رئيس مجلس الإدارة : رشا الشامي

رئيس التحرير : أسامة الشاذلي

كأس العالم وحكاية الهدف الذي صار أشهر كدبة في حياة المصريين

مصر كاس العالم

الأراجوز

أقيموا الأفراح والليالي الملاح، مصر أخيرًا وبعد سبعة وعشرين سنة صعدت كأس العالم في روسيا صيف 2018.

الحقيقة أنا كأراجوز سعيد جدًا بصعود مصر لكأس العالم، بس السبب الأكبر في فرحتى مش إننا هنكون في أهم محفل عالمي كروي دايمًا كنا بنبص عليه من بره ونتحسر، لكن الفرحة الكبيرة في رأيي هي إننا هنخلص من كدبة كبيرة أوي كدبها مجدي عبد الغني؛ إن هو صاحب الهدف الوحيد لمصر في كأس العالم.

في الحقيقة إن مجدي عبد الغني كدب الكدبة وصدقها وأقنع مصر كلها إنها تصدقها وتألش عليها، بل إنه حول الأمر من مجرد موضوع تباهي بهدف أحرزته في محفل عالمي إلى سبوبة كبيرة يقتات عليها مجدي عبد الغني؛ إعلانات وحوارات، بل إنه بيقعد يزيد ويوصف في ضربة جزاء، ويحكي كمان إنه لسة على تواصل مع فان بروكلين حارس هولندا اللي فشل في صد ضربة الجزاء.. وكل تصفيات كأس عالم يصبح مجدي عبدالغني ضيفاً أساسيًا في حوارات ومسامرات المصريين عن كأس العالم وعن المباراة التاريخيه الى عملناها قدام هولندا وأتعادلنا بضربه جزاء مشكوك فى صحتها أصلا ومن ساعتها الكدبه كبرى ووسعت أوى وفضل مجدى عبد الغنى عايش عليها كتير ومع أنتشار وسائل التواصل الأجتماعى والمواقع أصبح حلم أغلب المصريين أننا نصعد كأس العالم عشان يسكت مجدى عبد الغنى .

من شهرين تقريباً أستضافت قناة أون مؤرخ كروى أسمه خالد سعد وضح حقيقة الكذبة دى وأن فى شخص تانى هو هداف مصر فى كأس العالم بس طبعا عشان ماكنش فى أذاعة ولا مواقع تواصل ولا سرعه أنتشار لمعلومه كذابه فماحدش ذكر أن الراحل عبد الرحمن فوزى هو هداف كأس العالم لانه أحرز هدفين فى المجر فى المباراة اللى انتهت بخسارة مصر 4-2 بل أن عبد الرحمن فوزى أحرز هدف فى الماتش ألغاه الحكم

وطبعاً بما أننا معندناش تسجيل فيديو للموضوع فممكن ببساطه نروح على موقع الفيفا ونزور أرشيف كأس العالم وندخل على بطولة 1934 هنلاقى عبد الرحمن فوزى يحتل المركز السابع في ترتيب هدافى البطولة  بهدفين.

ودي كمان صفحة الراحل عبد الرحمن فوزي على موقع الفيفا الرسمي اللى بتقول انه أحرز هدفين فى مباراة المجر واتلغى له هدف.

ياكابتن مجدى عيب على دقنك لما يتحول الموضوع لكدبة سخيفه انت سعيد بيها بل وبتتعامل معها على أنها حقيقه كذبك علناودون حياء وتقريبا الناس صدقت انك هداف مصر فى كاس العالم فقررت انك تظيط انت كمان

 تعليقاتكم

Your email address will not be published. Required fields are marked *

*

كبدة العربيات بتيجي منين؟ .. رحلة “ساندوتش مستورد” يهدد حياتك