رئيس مجلس الإدارة : رشا الشامي

رئيس التحرير : أسامة الشاذلي

عن مطرب عظيم اسمه فؤاد المهندس

فؤاد المهندس

الهانم

مفيش اختلاف علي ان فؤاد المهندس من أعظم كوميديانات مصر في العصر الحديث، ترتيبه متقدم جدا، وقد يكون الأفضل علي الاطلاق بالنسبة لبعض الناس، قدم فؤاد المهندس أعمال كتير جدا، تنوعت ما بين السينما والمسرح والراديو، وقدم علي مدار سنين كتير فوازير “عمو فؤاد” في التليفزيون المصري، لكن القاسم المشترك ما بين كل ده، هو الغنا..

كل عمل كان بيعمله فؤاد المهندس غالبا ما بيتضمن أغنية أو اتنين، يا بيأديهم بصوته يا بيغنيهم مع حد تاني، والنهاردة جينا نلقي الضوء علي أحلي وأشهر الحاجات دي، ويلا…ما تيجي نشوف..!

  • مصر هي أمي “من فيلم فيفا زاباطا”

من ضمن أحداث فيلم “فيفا زباطا”، غني زباطا الأغنية دي ف “تكسيكو” لما سالوه فين مصر دي، الأغنية من ألحان “كمال الطويل”، اللي بعد ما لحن الأغنية لفؤاد المهندس، استخسر اللحن في الفيلم، واداه لعفاف راضي وغيرو الكلمات، وعملو عليها الأغنية الشهيرة بصوت عفاف راضي.

 

  • رايح أجيب الديب من ديله “مسرحية أنا فين وانتي فين”

مع الطفلة “مني وهبي”، في أحداث مسرحية “انا فين وانتي فين”، في دويتو لطيف، لحد دلوقتي بنغنيه وبنحبه.

 

  • يا حتة مارون جلاسيه “من مسرحية هالة حبيبتي”

غني فؤاد المهندس من ضمن أحداث مسرحية “هالة حبيبتي”، مع الطفلة رانيا، أغنية “يا حتة مارون جلاسيه” والأغنية تحسها زي وصفها بالظبط “حتة مارون جلاسيه محشية شوكولاتة”

 

  • ليلتك فل “من مسرحية علشان خاطر عيونك”

دويتو غناه فؤاد المهندس مع شريهان من ضمن أحداث مسرحية “علشان خاطر عيونك”، و”ليلتك فل يا رزة يا فللي”

 

  • قلبي يا غاوي خمس قارات “من فيلم مطاردة غرامية”

من ألحان منير مراد وبالاشتراك مع المبهرة “شويكار” قدمولنا الاتنين تابلوه استعراضي جميل هيفضل عايش في ذاكرتنا للأبد.

 

  • أنا واد خطير “من فيلم جناب السفير”

أغنية من ألحان “محمد عبد الوهاب”، علشان تقدر بس قيمة حد زي فؤاد المهندس اللي بيدي كل حتة في الفيلم حقها، أغنية “انا واد خطير” كانت من ضمن أحداث فيلم جناب السفير.

 

  • أنا ممنون “من فيلم الراجل ده هيجنني”

غني “المهندس” الأغنية دي ضمن أحداث فيلم “الراجل ده هيجنني” لما شويكار خرجت تجيب طوابع بوسطة ومرجعتش تاني أبدا..!

 

شاركنا بأحب أغنيات فؤاد المهندس ليك واعمل شير ولايك لو المقالة عجبتك.

 


 تعليقاتكم

Your email address will not be published. Required fields are marked *

*

La Fiesta Events Egypt
CONTENT MAK Company