رئيس مجلس الإدارة : رشا الشامي

رئيس التحرير : أسامة الشاذلي

اعرفي راجلك من دخانه (2) الرحلة من أول حمادة هلال لحد aqua

انواع الشيشة

الأراجوز

عدنا بعد قليل، زي ما اتكلمنا أمبارح كدة عن الراجل من نوع دخانه، وأنواع الرجاله حسب السيجارة، إحنا بنكمل النهاردة بس ها ندخل في الغويط شوية، عالم الشيشة، عالم المعسل بكل أنواعه، عالم الورق الألامونيا او السوليفان عالم الولعة والمنقد والماشة، عالم له دهاليزه وخباياه وانواعه المختلفة.

كل أما اشوف عمري جري مني.. بخااااااااااااااااااااف

ده رجل الفواكه الأول والأخير، الراجل الذي يفضل اللاي البلاستكي المايع ده، عن اللاي الكارتوني العتيق، ويفضل دخانه التفاح والكنتالوب والعلكة، عن رائحة القص مجهوله المصدر والأصل، الرجل اللي قرر إنه يشرب حاجة هو مش شايفها، من الأخر الراجل ده طول عمره بيشتري سمك في ميه.

لكن مشكلة الراجل ده إنه يهمه شكله، واخد من الدخان المظهر لا الجوهر، وعلشان كدة الراجل ده عينه زايغة جدا، ودايما بيرمي رمش على أي واحده معدية تلفت نظره، ومشكلته إنك ممكن تلاقيه فرفور شوية في نفسه يعني ما تركنيش عليه أوي، بس ميزته الصراحة إنه ما بيخلصش بسرعه أقل شوية ولعة تشغله تاني فصعب يزهق بسرعة.

يعجبني كلك يا ولا كلك عاجبني.. هيهيا

الراجل القص، وبرنس السلوم، الراجل ده ما يهموش المظهر، ولا حتى الجوهر، الراجل ده دايما يهمه النتيجة، يهمه الأثر والبصمة، الراجل ده تقريبا بيشرب خشب وهو مش واخد باله أصلا بس طالما الخشب ده بيأدي المطلوب وعامل دماغ بـ دخانه منه يبقى هو كدة في السليم وميت فل و14.

الراجل ده عيبه دايما غنه سريع الاشتعال، وانه أخر جيله من عالم سي السيد، رجل البيت وعمود الخيمة، ويبحث دوما عن الست أمينه، ولما يلاقيها أكيد ها يروح يدور على زبيده العالمة، هو سيد قراره المطلق ومحدش بيمشي كلامه عليه ابدا حتى لو كان كلامه غلط، هو ماشي بمبدأ انا ما بغلطش، الراجل ده هو العقاب العادل لكل النيجاتيف فيمينيست اللي في مصر.

i am barbie girl

ده صاحب الفاب، ده لا اثق فيه ولا في ذوقه، وهو عباره عن انسان ترك معتقده الأساسي سواء الشيشة أو السجاير وقرر انه يعمل هجرة غير شرعية لمكنة دخانه من بتوع المسرح دول، هو ميزته الوحيدة إن القعدة اللي قاعد فيها ما بيقربش منها الناموس ابدا، غير كدة ها يبقى حسب خلفيته التبغية بقي، بس عموما الراجل ده مريب، اللي يسلم صدر لحته حديدة ده راجل ما يتصدقش أصلا.


 تعليقاتكم

Your email address will not be published. Required fields are marked *

*

La Fiesta Events Egypt
CONTENT MAK Company