رئيس مجلس الإدارة : رشا الشامي

رئيس التحرير : أسامة الشاذلي

عروض مذهلة في سوبرماركت في الصين زى كارفور بالظبط .. فخدة تمساح وكرتونة ماية لحمة من فضلك

الغازية

اتصدمت وأنا بتفرج على صورة الناس اللي واقفة أمام كارفور في انتظار أنه يفتح علشان التحفيضات اللي أعلن عنها، وأعلب الناس كانت منتظرة على أمل شراء احتياجاتها سواء من سلع أو أجهزة بسعر هين، نظرا لحالة التوحش اللي حاصل في اسعار السلع والأجهزة، وفجأة لقيت قصادي صورة لهايبر ماركت في الصين  لكن البضاعة اللي بتتباع هناك مختلفة مش سكر ولا شاي، خلونا نشوف ماذا تقدم لنا الصين اليوم .

1- ماء بطعم اللحم

سوبرماركت في الصين

أزازة ماية بطعم ونكهة اللحم، طبعا إحنا نسينا طعم اللحمة فممكن نكتفي ببق ماية من الإزازة دي كل يوم الضهر.

2- لبن خيول

لبن خيول

دي عبوة لبن خيول، طبعا إن شاء الله ممكن نشتريها أول ما نلاقي لبن الأطفال اللي ناقص.

3- بيض بيض بيض

كل هذا البيض

كل أنواع البض اللي ممكن تتخيلها أو ماتتخيلهاش، بيضة الفرخة عندنا عدى سعرها جنيه، تفتكروا البيض ده ممكن يكون أرخص.

4- سمك قرش

سمك القرش

سمك قرش برازيلي مجمد بدون قوانص أو كبدة، أنا عايز نص كيلو قرش بس ينفع للخضار

5- تماسيح يا أما يا هبة

تماسيح

لهواة التماسيح عرض لا يفوت إشترى تمساح تاخد نص تمساح خلفي بالديل هدية

6- ماية دايت

ماية دايت

ماء للدايت، أو الماية في ح ذاتها دايت خالية من الدهون والكربوهيدرات

7- عروض مذهلة

عروض مذهلة

حتى المنتج الوحيد اللى عارفينه الشكولاته سنيكرز، كان لازم الصين تبده في عرضه، اشترى 3 سنيكرز واحصل على بطارايات جافة هدية

الصين أيها الكوكب الصديق ‘رحل في سلام فاللى فينا مكفينا، إحنا آخرنا عايزين عرض على أكياس السكر أو الرز، وممكن شاي العروسة علشان صديقي الأاراجوز بيشربه.

 تعليقاتكم

Your email address will not be published. Required fields are marked *

*

كبدة العربيات بتيجي منين؟ .. رحلة “ساندوتش مستورد” يهدد حياتك